Steinefnið járn
Steinefnið Járn
Meira er af járni en öðrum steinefnum í blóðinu. Mikilvægasta hlutverk þess er að framleiða blóðrauða og vöðvarauða ásamt súrefnisbindingu rauðra blóðkorna. Járn er nauðsynlegt fyrir vöxt, heilbrigt ónæmiskerfi, orku og þrek. Ekki nýtist allt járn jafn vel. Talið er að einungis 8% af heildarinntöku járns komist í blóðið. Sé C-vítamín tekið samhliða járni eykst upptaka þess um 30%. Ekki er ráðlegt að taka inn járn á meðan einhvers konar sýking stendur yfir þar sem bakteríur nota það til vaxtar. Inntaka þess getur því lengt líf bakteríanna. Algengasti skortur á steinefnum er járnskortur. Skortur er nokkuð algengur hjá konum og þá aðallega vegna mikilla tíðablæðinga. Hinsvegar verður ekki vart járnskorts hjá karlmönnum nema vegna sjúklegs ástands, eins og til dæmis blæðinga í þörmum. Algengt er að járnskortur verði hjá konum á meðgöngu. Blóðleysi er lokastig járnskorts en helstu einkenni eru þreyta, máttleysi, minnkað þol, skert viðnám við veikindum, húðfölvi, stökkt hár, hárlos, höfuðverkur og kyndeyfð. Æskilegt er að inntaka járns sé í samráði við lækni þar sem blóðleysi getur einnig stafað af skorti á B12- eða B6-vítamínum. Járn er helst að finna í nýrum, hjarta og lifur, rauðu kjöti, eggjarauðu, hnetum, fræi, ólífum, hýðishrísgrjónum, þistilhjörtum, brokkóli, baunum, spergli, sírópi, haframjöli, þurrkuðum ávöxtum og þara.
Meira er af járni en öðrum steinefnum í blóðinu. Mikilvægasta hlutverk þess er að framleiða blóðrauða og vöðvarauða ásamt súrefnisbindingu rauðra blóðkorna. Járn er nauðsynlegt fyrir vöxt, heilbrigt ónæmiskerfi, orku og þrek. Ekki nýtist allt járn jafn vel. Talið er að einungis 8% af heildarinntöku járns komist í blóðið. Sé C-vítamín tekið samhliða járni eykst upptaka þess um 30%. Ekki er ráðlegt að taka inn járn á meðan einhvers konar sýking stendur yfir þar sem bakteríur nota það til vaxtar. Inntaka þess getur því lengt líf bakteríanna. Algengasti skortur á steinefnum er járnskortur. Skortur er nokkuð algengur hjá konum og þá aðallega vegna mikilla tíðablæðinga. Hinsvegar verður ekki vart járnskorts hjá karlmönnum nema vegna sjúklegs ástands, eins og til dæmis blæðinga í þörmum. Algengt er að járnskortur verði hjá konum á meðgöngu. Blóðleysi er lokastig járnskorts en helstu einkenni eru þreyta, máttleysi, minnkað þol, skert viðnám við veikindum, húðfölvi, stökkt hár, hárlos, höfuðverkur og kyndeyfð. Æskilegt er að inntaka járns sé í samráði við lækni þar sem blóðleysi getur einnig stafað af skorti á B12- eða B6-vítamínum. Járn er helst að finna í nýrum, hjarta og lifur, rauðu kjöti, eggjarauðu, hnetum, fræi, ólífum, hýðishrísgrjónum, þistilhjörtum, brokkóli, baunum, spergli, sírópi, haframjöli, þurrkuðum ávöxtum og þara.
